முயன்றால் முடியாதது எதுவும் இல்லை

விவசாயி ஒருவர் ஒரு குட்டிக் கிளி வளர்த்தார். அவர் அந்தக் கிளிக்கு ஆசையாக பேச சொல்லி கொடுத்து வளர்ந்து வந்தார். அவர் அந்தக் கிளியை எப்போதும் ஒரு கூண்டில் அடைத்து வைத்து வளர்ந்து வந்தார். ஒரு நாள் அந்த கிளி அவரிடம் என்னைப் போல் இருக்கின்ற எல்லா கிளிகளும் பறக்கிறது. ஆனால் என்னால் மட்டும் ஏன் பறக்க முடியவில்லை என்று அந்த விவசயிடம் கேட்டது .

அதற்கு அந்த விவசாயி சொன்னார்..... நீ ரொம்ப குட்டிக் கிளி அதனால் தான் உன்னால் பறக்க முடியவில்லை நீயும் வளர்ந்து விட்டால் அவர்களை போல் பறக்கலாம் என்று அந்த கிளியிடம் கூறினர்.

அந்த குட்டி கிளி அவர் சொன்னதில் உன்னால் இப்போது பறக்க முடியாது என்று சொன்னதை மட்டும் நம்பி கடைசி வரைக்கும் நம்மால் எதுமே முடியாது என்று முயற்சி செய்யாமல் அப்படியே இருந்துவிட்டது.

இதை கவனித்த அந்த விவசாயி ஒருநாள் அந்த கிளிக்கு ஒரு பரிட்சை வைக்கிறார். அந்த பரிட்சை என்னவென்றால் அந்த கிளி பறக்க முயற்சி செய்கிறதா.. இல்லையா... என பார்க்க கிளி கூண்டை திறந்து வைக்கிறார்.

நம்மால் எதுவுமே முடியாது என தன் மனதில் நினைத்துக்கொண்ட அந்த குட்டிக் கிளி கூண்டு திறந்து இருந்தும் பறக்கவே இல்லை.

"நாமும் அந்த குட்டிக் கிளி போல் தான் முயற்சி செய்யாமல் இருக்குறோம். சின்ன வயதில் பெரியவர்கள் உன்னால் முடியாது என்று சொன்ன வார்த்தைகளை நம்பி வாய்ப்பு கிடைத்ததும் நம்மில் பலர் அதை அந்த கிளியை போல் அதை தவற விடுகிறோம். உன்னால் இயலுமோ இயலாதோ முதலில் அதனை முயற்சி செய்யவேண்டும்..." "முயன்றால் முடியாதது என்று எதுவும் இல்லை"